KORONADAL CITY- Ginrekomendar sang Provincial Disaster Risk Reduction Management Council(PDRRMC) sang South Cotabato sa Sanggunian Panlalawigan (SP) sa Probinsiya ang pag deklarar sang State of Calamity sa bug-os nga South Cotabato bangud sa padayon nga na eksperiensiyahan sini nga El Niño Phenomenon.
Bangud sini, magapatawag sang special session ang SP kag magahatag sang endorsement kay South Cotabato Governor Reynaldo Tamayo.
Madumduman nga una na nga may yara pa sang apat ka mga banwa sa probinsya sang South Cotabato ang may posibilidad nga mag deklara sang state of calamity bangud sa tuman nga epekto sang El Nino Phenomenon.
Ini ang ginpahayag ni Rolly Doane Aquino, ang PDRRMO sang South Cotabato sa interbyu sang Bombo Radyo Koronadal.
Suno sa iya, ang ini nga mga banwa ang ginakalakipan sang Tboli, Norala, Tampakan kag Polomolok.
Sa karon, ang nasambit nga mga LGUs ang nakabatyag sang tuman kainit sang panahon nga kung sa diin ang ila nga mga pananom kag mga mangunguma ang tuman nga naapektuhan.
Ginpahayag pa sang opisyal nga sila ang padayon nga naga monitor sa nasambit nga lugar agud nga mapasiguro nga indi maglala ang sitwasyon.
Madumduman nga una na nga nagdeklara banwa sang Surallah,South Cotabato sang State of Calamity bangud sa nagapadayon nga epekto sang El Niño Phenomenon ukon Dry Spell.
