KORONADAL CITY- Nagdeklara na ang lokal nga panggamhanan sa banwa sang Surallah,South Cotabato sang State of Calamity bangud sa nagapadayon nga epekto sang El Niño Phenomenon ukon Dry Spell.
Suno sa ginpaguwa nga Resolution 164 series 2024 sang Sangguniang Bayan sa banwa sang Surallah,igapaidalum sa State Of Calamity ang kabug-osan nga banwa sang Surallah bangud sa tuman nga kainit nga nagdangat sang pagkaguba sang mga pananum kag mga palaisdaan.
Sa interbyu sang Bombo Radyo Koronadal kay Mr. Rolly Doane Aquino ang Provincial Disaster Risk Reduction and Management Officer ginpahayag sini nga ang nasambit nga dekalarasyon ginpatigayon agud nga ma-utilize ang calamity fund.
Suno naman sa pahayag sang Office of the Municipal Agriculturist Office ukon OMAg Surallah,naglab-ot na sa masobra sa 1,178 ka mga mag-uuma kag 999 ka ektarya sang kaumahan ang apektado sa epekto sang El Niño nga nagalab-ot naman sa 1,780,110.80 ang balor sang damyos.
