KORONADAL CITY- Nagsentro sa pagpasalamat ang engrande nga selebrasyon sa subong nga adlaw kag pagtililipin sang mga kauturan ang Muslim sa mga Mosque kag dalagkuan nga lugar para saselebrasyon Eid al-Fitr o pagtakup sang Holy month of Ramadan.
Sa interbyu sang Bombo Radyo Koronadal kay South Cotabato Muslim Affairs Chief Sultan Mutalib Sambuto, aga pa lamang nga nagkadtu ang mga ini sa moske agud nga magsimba, magpanagamuyo kag magpasalamat kay Allah sa madinalag on nga pagtakop sang isa ka bulan nga pagpuasa.
Suno kay Sambuto, ang isa ka bulan ang makabig nga sakripisyo sang mga ini agud magbag o ang ila ka buhi kag talikdan ang mga malain nga hilimuon.
Tuman man ang iya nga pagpasalamat kay Allah sa paghatag sang importansya sa pamilya, abyan kag mga himata ilabi na sa mga nagakinahanglan ang ila nga prioridad sa selbrasyon.
Samtang bangud engrande ang handaan sang Muslim community madamo sang salo-salo nga ginhimo kag nahatagan sang regalo bilang kabahin sang ila kasadyahan kag pagpalanggaanay sa isa kag isa.
