KORONADAL CITY – Naglab ot sa walo ka mga LGU sang South Cotabato ang nagdeklara sang suspension sang face-to-face classes kag nagpatigayon na lamang sang half day of classes bangud sa mainit nga panahon dala sang El Niño phenomenon kag hot and dry season.
Ang mga nasambit nga mga lugar amo ang Polomolok, Tupi, Tantangan, Banga, Surallah, Norala , Sto. Nino kag Koronadal City.
Ini ang nangin pahayag ni Ma. Theresa Hallegado ang Information Officer sang DepEd South Cotabato Division sa interbyu sang Bombo Radyo Koronadal.
Suno sa iya nga ang desisyon nga i-suspend ang face-to-face classes ginhimo sang local government units (LGUs) ukon sang school heads/principals.
Madumduman nga ipatuman ang alternative delivery modes sang pagtudlo sa mga kabataan agud mapasiguro nga padayon ang ila pagtuon.
Apisar nga amo ni ang mangin plastada nagapati ang opisyal nga indi maguba ang ila nga school calendar bangud una pa lamang ila na ini nga ginpreperahan.
