KORONADAL CITY- Patay ang isa ka lalaki makaligad nga ginbuno ini sang iya nga bayaw sa Prk.Mabuhay, Brgy. Lambayong, Tampakan, South Cotabato.
Sa interbyu sang Bombo Radyo Koronadal kay Reynaldo Molina, suspek ginpahayag sini nga indi niya hungod ang panghilitabo bangud base sa iya nga panaysayon, samtang sila ang nagatililipon gulpi na lamang siya ginpalapitan ni Nicanor Tadem, ang biktima agud nga bun-on.
Maayo na lamang nga nakalikaw ini kag bilang depensa suno pa sang iya nga kaugalingon, nagbalos ini kag ginlabo man ang biktima sang makapila ka beses nga nangin tunaan sang gilayon nga kamatayon ni Nicanor Tadem.
Sa karon, tuman ang paghinulsol sang suspek kag pagpangayo sang pasensya sa pamilya sang iya nga bayaw bangud nandulom lang suno pa ang iya nga panulukan.
Suno pa sa iya, wala man daw siya sang sala kag ngaa ginhimo yadtu sang iya nga bayaw sa iya.
Sa karon, nagapabilin sa kostudiya sang Tampakan PNP ang suspek kag preperado man ini nga atubangon ang kaso nga iagasang-at batok naman sa iya.
