Balik na sa normal ang sitwasyon sang mga Pinoy sa Isreal sa pihak sang mga kinagamo nga nagluntad sa ila nga lugar.
Ini ang ginpahayag ni Elvie Pregua, Bombo Correspondent sa Israel kag tuadok diri sa Brgy. Zone 4, Koronadal City sa interbyu sang Bombo Radyo Koronadal.
Suno sa iya wala sang nagakaangay nga ikabalaka bangud nag paguwa naman sang advisory ang Philippine Embassy nga indi anay sila maguwa sa ila tagsa-tagsa ka mga panimalay agud makalikaw sa posible nga pagpang-atake sang mga Palestine sa ila.
Suno sa iya, sa karon nagapanago lang sila sa balay sa kahangawa nga maglapaw ang mga rockets apang wala man sila nahadlok bangud ang mga balay didto ang may yara sang shelter bomb nga nagaprotect sa mga lugar agud di makalusot ang ano man nga pagpamomba.
Nahibaluan nga nagpagguwa sang urgent advisory ang Department of Migrant Workers kag Migrant Workers Office – Israel nga gina-monitor nila ang mga Filipinos sa mga lugar nga na-apektuhan sa tunga sang “State of War alert” nga gin-issue sang Israeli Homefront Command.
Nagapanawagan naman ang Israel Prime Minister Benjamin Netanyahu sa mga Israeli nga magsunod sa mga instructions sang army kag sang Home Command.
