KORONADAL CITY- Naglab-ot sa 77.7 kilo sang karne sang baboy sa Koronadal ang nakumpiska sang City Veterinary Office sa subong nga 1st quarter sang 2023.
Ini ang ginpahayag ni Dr. Charlemagne Calo, City Veterinary Officer sang Koronadal sa interbyu sang Bombo Radyo Koronadal.
Suno sa iya, ang ini nga hilikuton ang kadungan sang ila nga hugot nga monitoring sa mga meat establishments sa siyudad.
Suno pa kay Calo, nga ini sa karon ang ila nga ginatutuukan kaupos ang Task Force Bantay Karne kung sa diin 11 nga mga meat stalls na ang napasang-atan sang notice of violation.
Aktibo man ang ila nga talatapan sa pagmonitor sa mga barangay kag mga malls sa Koronadal.
Tinutuyo sini amo ang pahinumduman ang mga negosyante may kaangtanan sa proper hygiene kag agud nga mangin luwas ang karne sang baboy kag iban batok ASF nga nagapadayon sa gihapon.
