KORONADAL CITY – Nagresulta sang nagkalain-lain nga reaksyon halin sa mga ginikanan sang mga bata ang plano sang DepEd nga pagpatuman sang K+10 curriculum sa sunod nga tuig.
Suno pa kay Jerson Tuala, isa ka ginakanan sa interbyu sang Bombo Radyo Koronadal tam-an na ka gamo ang sistema sang edukasyon sa pungsod, kag tani man daw nga yara na sang pulido nga plano kaangot diri.
Kung matabo man nga ibalik sang anay, kay manami daw ini bangud buhin sa gastuson.
Para abi sa iya, dugang lamang sa tuig nga pagpangabudlay kag gasto angSenior High School.
Kung madumdoman, ginhagna sang lower house ang hagna nga may tinutuyo nga ilisan ang Kto12 sang K+10 curriculum kag naga ipon na sang feedback ang Department of Education halin sa publiko kaangot sang draft sini nga ginapanugda nga bago nga curriculum.
