KORONADAL CITY- Yara na sa kustodiya sang Mlang MPS ang duha ka mga suspek nga nagpatay kag ginapatihan nga ginlugos ang isa ka menor de edad sa Purok 4, Lepaga, Mlang, Cotabato.
Ini ang ginpahayag ni P/Lt Col. Realan Mamon, Hepe sang Mlang PNP sa interbyu sang Bombo Radyo Koronadal.
Ginkilala ang biktima nga si alyas Bai, 15 anyos, estudyante kag residente sang Brgy. Gaunan, Mlang Cotabato.
Ginkilala naman ang mga suspek nga sanday Rogie Articonas Magallanes, 43 anyos, single, mangunguma ka residente sang Purok 5, Barangay Lepaga kag Nilo Belarmente Fortunato, 42 anyos,single, mangunguma kag residente sang Purok Kaunlaran, Bagontapay, M’lang, Cotabato.
Base sa report, alas 2:00 sang kaadlawon sang makabaton ang Mlang MPS sang report nga may nakit an nga patay nga lawas amo nga gilayon sila nagpadulong sa crime scene.
Naguwa sa imbestigasyon sang Mlang MPS nga alas 5:00 sang hapon sang naghalin sa balay ang biktima nga si alyas Bai agud magpanguha sang gulay apang wala ini nakabalik pa sa ila nga balay.
Base naman sa panaysayon sang saksi antes nga nakit an ang patay nga lawas sang biktima, nakita sini ang duha ka lalake sa lugar kung sa diin nakit ang patay nga lawas sang biktima.
Dugang pa sang opisyal, matapos nga ma- identify ang mga ginatumod nga suspek ang gilayon sila nga nakig coordinate sa sa Barangay kung sa diin naga istar ang mga ini.
Dako naman ang pagpati sang pamilya sang biktima nga posible gin lusog ini antes ginpatay sang mga suspek bangud sa position sini.
Sa karon padayon ang imbestigasyon sang mga kapulisan kung nakainom o kun impluwensay sang droga ang mga suspek sang ginhimo ang krimen bangud wala pa ini naga ako tubtub sa karon.
