KORONADAL CITY- Isa ang patay samtang tatlo naman ang naaresto sang mga otoridad sa implementasyon sang warrant of arrest nga ginhiwat sang mga otoridad sa Purok Quirino, Barangay Talahik, Surallah, South Cotabato.
Ini ang ginkumpirma ni PLtCol. Joel Fuerte, ang Hepe sang Surallah PNP sa interview sang Bombo Radyo Koronadal.
Suno sa iyam napatay sa operasyon si Donie Mapin, alias Maufong, 52 anyos, may asawa, isa ka mangunguma kag residente sang nasambit nga lugar kag rank 9 most wanted person sa regional level; rank 2 sa provincial level kag rank 1 sa municipal level.
Suno pa sa opisyal, natukiban sang suspek kag mga kaupdanan sini ang pag-abot sang ila nga pwersa amo nga nagbato ang mga ini.
Naghana pa ang suspek nga maghaboy ka bala sa mga otoridad apang gilayon ini nga ginluthang ka mga kapulisan// Gilayon man ini nga gindangat sa balay bulungan apang ini ang dead on arrival.
Narekober sa mga suspek ang isa ka granada, homemade 12 gauge nga armas kag mga bala.
Ginkilala naman ang mga kaupdanan sini nga sanday Jastine Mapin, 24 anyos, mangunguma kag Rey Tuan, 42 anyos, may asawa, laborer, lunsay mga residente sang Purok Querino, Barangay Talahik, Surallah nga nakuhaan sang duha ka homemade 12 gauge long firearms samtang improvised riffle naman ang nakuha sa isa pa nga si Jerald Samangka, 20, nga residente naman sang Purok Spring, Barangay Lampari, Banga.
Sa karon yara na ang mga ini sa kustodiya sang mga kapulisan.
