KORONADAL CITY- Patay ang isa ka anay barangay kagawad, samtang pilason naman ang asawa sini makaligad nga ginpangluthang sa Inug-ug, Pikit Cotabato.
Ini ang ginkumpirma sa Bombo Radyo Koronadal ni P/Lt Col. John Miridel Calinga, Hepe sang Pikit PNP sa interbyu sang Bombo Radyo Koronadal.
Suno sa iya, ang napatay nga anay barangay kagawad ang ginkilala kay Usop Talilisen, isa ka mangunguma kag anay kagawad samtang ang iya naman nga asawa ang ginkilala kay Sayda Talilisen nga sa karon kasamtangan nga nagapaayo sa balay-bululngan makaligad nga ini ang na igo sang maka isa ka bes.
Sandig sa imbestigasyon sang mga otoridad, papuli na kun tani ang magtiayon sang hinali na lamang nga may duha ka mga wala pa nakilal an nga mga suspek ang nagpangluthang sa mga biktima nga gilayon naman nga nagpalagyo sa wala pa nahibaluan nga direksyon.
Personal grudge naman ang ginatumod nga motibo sa krimen.
Sa karon nagapadayon ang imbestigasyon sang mga otoridad agud nga mapadali ang pagtumod sa mga suspek.
