KORONADAL CITY- Gin-ako sang City veterinary officer sang Koronadal nga wala sang mga personnel nga nagabantay sa mga VetCheckpoints sa tion naman sang kagab ihon luwas na lamang kung aga.
Ini ang ginpaklaro ni Dr. Charlemagne Calo, city veterinary officer ng Koronadal, sa interbyu sang Bombo Radyo Koronadal.
Suno sa iya, ang ila nga man power ang gintunga sa duha agud nga maghimo sang surveillance kag makatumod sang swine population sa kada barangay sang Koronadal.
Ini makaligad nga ila ginapreperahan sa karon ang pagpaguwa sang Memorandum Circular sang national Government nga ini ang nakatalan sa Abril 25 nga mangin tawhay na ang mga datos kag mangin dalayon na ang proseso nga ipatuman.
Ini man suno pa ang rason kung ngaa dyutay na lamang ang numero sang mga personnel nga nakadeploy sa mga veterinary checkpoints sa mga bounderies sang siyudad.
Sa pihak sa magmay nga numero sang mga personnel nga nakadeploy sa checkpoints, tuman man ka hugot ang ila nga pagbantay kag pagtutok sa mga buhi o kun gin ihaw nga mga baboy nga nagasulod sa Koronadal.
Dugang pa ni Calo, nga base sa ginapgwa nga istado sang siyudad sa African Swine Fever o ASF, , yara sa red zone ang koronadal.
Sa karon padayon ang iya panawagan nga kung mahimo likawan anay ang pag- hupot sang mga baboy agud likaw man sa ASF.
