KORONADAL CITY-1 sa patay, 3 ang pilason lakip ang isa ka 1-year-old nga bata sa nagluntad nga pagpang-ambush sa Datu Saudi Ampatuan, Maguindanao del Sur.
Suno sa imbestigasyon sang Maguindanao PNP Public Information Office pinaagi kay Police Major Reggie Albellera, nagluntad ang pagpang-ambush sa bahin sang Barangay Lower Salbu,Datu Saudi Ampatuan,Maguindanao del Sur.
Dead-on-arrival sa balay-bululngan ang mismo nga padre de pamilya nga si Junior Sumlay, 42 samtang pilason naman ang mga kaupod sini nga sanday Fatima Zacaria Sumlay, 42-anyos ,Guiaria Alamada Mohamad, 28-anyos kag ang 1-year-old nga bata nga lunsay mga resident sang Brgy. Nunangen, Datu Anggal Midtimbang.
Ginpa-ulanan sang luthang ang mga mga ini samtang naga sakay ang mga sa ila nga pula nga multicab.
Bangud sa madamo nga igo sang bala sa lawas halin sa mga riding in tandem suspeks, wala na nakaabot nga buhi sa ospital ang padre de pamilya samtang napuno naman sang igo-linuthangan ang salakyan sang mga ini.
Suno naman sa imbestigasyon sang mga otoridad, posible nga rido ang kabangdanan sang pagpangluthang
