KORONADAL CITY-Gin-aprubahan sang Sangguniang Bayan sang banwa sang Tupi, South Cotabato ang isa ka ordinansa nga nagtukod sang isa ka panibag-o nga Barangay sa ila nga banwa.
Suno kay South Cotabato Governor Reynaldo Tamayo Jr, ginhimo sini ang tikang bangud nga sakop ini sang gina-agawan nga boundary sang mga Barngay sang ng Barangay Miasong, Barangay Linan kag Barangay Cebuano.
Dugang pa, ang nasambit nga gina-agawan nga boundary ang sulod man sa mga qualifications bilang isa ka barangay sa diin nalakip ang kadamoun sang residente kag husto nga land area.
Napermahan sang Sangguniang Bayan sang Tupi ang nasambit nga tikang makaligad ang review kag approval.
Bangud sini, may ara na sang kabug-usan nga 200 ka mga kabarangayan ang South Cotabato.
Paga tawgon naman ini nga Barangay Juan-Loreto Tamayo sa diin, ginkuha naman sa pangalan sang panibag-o nga barangay kay Juan-Loreto Tamayo nga anay punong Barangay kag Bise Alkalde sang banwa sang Tupi.
