KORONADAL CITY – Liwat nga ginpasirado sang local government unit (LGU) Koronadal ang terminal sang Yellow Bus Line Incorporated matapos nga nagpadayon ang ila nga operasyon kahapon apisar nga wala sang Business Permit.
Ginapanindugan ni Mayor Eliordo Ogena nga isa ka sahi sang “defiant of the law” ang ginhimo sang YBL nga wala pagsunod sa Zoning ordinance kag revenue code sang siyudad sang Koronadal.
Dugang pa ni Mayor Ogena, maathag ang bayulasyon sang YBL kag ina amo ang wala pag-comply nga magkuha sang business permit.
Liwat man nga gin-insister sang alkalde nga yara sa side sang laye ang City government kay bangud ang duha ka ordinansa wala man nila ginchallenge sa korte.
Gin-isa-isa man sang alkalde ang mga punto kun ngaa padayon nga nagapanindugan ang City government nga e-imposar ang laye kag ordinansa.
Na niotify man sila sang notice of non-compliant kag wala man magkulang ang siyudad sa pag-informar sa YBL sang ila obligasyona pang naga-gamit sang excuse ang kumbuyuhan agud nga indi magbayad sang business permit..
