KORONADAL CITY- Nag-lab-ot sa 5 ka mga panimalay ang nangin apektado sa pagpanalasa sang bihawi sa bahin sang Barangay New Iloilo, Tantangan, South Cotabato.
Ini ang nangin kumpirmasyon ni Barangay New Iloilo Chairperson, Benhur Peñol sa interview sang Bombo Radyo Koronadal.
Suno sa iya, takna alas-2 kahapon sang hapon, naglabay ang mabaskog nga hangin kay makusog nga pagbuhos sang ulan sa diin 5 suno pa ka mga panimalay ang apektado sa diin nagkakas sang naglabay nga hangin ang pila sa mga atop sang mga pila ka mga puluy-an.
Napagkit man ang nagkala tumba nga puno sa mga kahoy nga tuga sang pagbayo sang hangin.
Wala man napalampas sang ginakabig nga buhawi ang isa ka buluthuan sa nasambit nga lugar nga amu naman ang Notre dame of New Iloilo sa diin may pila man ka mga nagka-gupi nga mga atop.
Madasig naman nga nag responde ang mga katapo sang BPATs kag MDRRMO-Tantangan agud nga makabulig sa mga apektado ng residente.
Ma suwerte naman nga wala sang may napagkit nga nagkalapilasan ukon napatay sa amu nga panghitabo.
Naga padayon naman ang damage assessment sang mga otoridad sa kabug-usan nga danyos nga natuga sang buhawi.
