KORONADAL CITY- “Wakasan ang Communist Terrorist Group through Good Governance”.
Ini ang nangin pahayag ni TESDA-12 Regional Director at the same time RTF-ELCAC-Region 12 Chairman Raphael Abrogar II sa pakighinun-anon sang Bombo Radyo Koronadal may kaangtanan sa padayon nga pagpakibato sang gobyerno kag mga ahensiya sini sa nabilin nga pwersa kag pagpangganyat nga ginahimo sang CTGs sa pila ka mga nabukid nga bahin.
Suno sa opisyal, naga kaangay nga makapangita sang pamaagi ang gobyerno agud nga mapalab-ot ang mga proyekto kag programa sini sa mga far-flung areas sa diin wala gawa naabot sang bulig kag madula ang presensiya sang mga terrorista nga grupo.
Dugang pa sini, base sa ila nga na-eksperiensiyahan, madamo sang mga naga sulod sa kumonista nga grupo kag naga pati as ila nga ideolihiya bangud masami nga makita nila nga daw napabay-an na sila sang gobyerno kabangdanan nga naga armas ang mga ini.
Sa subong , naga padayon sa pag tuman sa mandato ang ila nga task force upod man ang AFP, PNP kag LGUs para sa epektibo nga pagbulig sa mga residente sa nabukid nga bahin sang Region XII para maganyat nga magbalik sa sabak sang gobyerno ang mga luyag na sang kalinong kag katawhayan para sa ila kag ila mga pamiliya.
Bangud pinaagi sa maayo nga pang-ginobyerno, maganyat ang mga ini nga mag sungka kag magbalik sa gobyerno.
