KORONADAL CITY- Nagapadayon pa sa karun ang imbestigasyon snag mga otoridad sa isa ka bangkay sa bahin sang Purok Pag-asa, Brgy. Caloocan, Kor. City.
Ini ang ginpaathag kag ginpaklaro ni PLT.Col. Amor Mio Somine- COP sang Koronadal sa interbyu sang Bombo Radyo.
Ginkilala ang biktima nga si Loreta Palma Develos, 85 anyos, balo kag residente sang Purok Tambling, Barangay GPS, Koronadal City.
Nahibaluan nga nahulog ini sa kanal kag nalumos sa isa ka irrigation canal sa Brgy. GPS Koronadal kah nakit-an na lamang ini nga wala na sang kabuhi sa Purok Pag-asa Brgy. Caloocan, Koronadal City.
Sandig sa pahayag sang pamilya sini, ala-una sang kaagahon naghalin sa ila panimalay ang biktima agud maglakat-lakat apang wala na nakapauli pa.
Nahibaluan nga “ulianon” na suno pa ang biktima nga ginalantaw nga rason nga posible nahulog ini sa lining.
Dugang pa sini nga ginpatigayon ang postmortem examination agud nga mahibaluan gid kung may yara pa sang iban nga bangdanan ngaa napatay ang biktima.
Suno pa diri nga wala man sang may nakit-an nga external injury ang nasambit nga biktima apang resulta lamang ang ila nga ginahulat agud nga makapa gwa na ini sang kabug-usan nga detalye angut diri.
