KORONADAL CITY- Pipila ka mga purok sa bahin sang Brgy. Topland Koronadal City tuga sang pagbubo sang mabaskog nga ulan.
Ini ang ginkumpirmar ni Barangay Kapitan Angelica Bermi sa interview sang Bombo Radyo.
Suno sa iya, nagluntad ini nga insidente bangud sa mabaskog nga tubig-baha nga dulot sang pila ka oras man nga buhos sang ulan.
Nagapasalamat man ang kapitanan bangud wala man sang mga casualties ang nagdangat sa nagluntad nga pagbinaha baha apang madamo lang sang mga panimalay ang apektado bangud ginpangsulod ini sang mga tubig.
Dugang man sini nga sa karun padayon man nila ini nga ginapang tsekyar tagsa ka mga purok agud nga mahimuan man gilayon sang pamaagi kag mahatagan man sang insakto nga mga ayuda kung may yara gid sang tuman ka nangin apektado sang amo sini nga panghilitabo.
May mga alagyan man nga nagkalaguba bangud sang mabaskog nga ulan ilabi na sa bahin sang Malipayon nga isa sa mga alagyan nga pirmi nagaguba apisar nga ginakay o na ang amo sini nga alagyan sa gihapon kung magbubo ang mabaskaog nga ulan liwat naman ini nga nagaguba.
Suno pa diri nga isa ini sa madugay na nga problema ang nasambit nga alagyan rason nga ginaduso na ini nga ma-re-align halin pa sang nagligad nga tuig.
Sa karon,nagahimo man ini sang pamaagi ukon mga tikang agud nga makay o man ang mga kadalanon ukon taytay nga nagkalaguba kag pinaagi man sa kaupod sini nga mga opisyales nagapadayon man ang ila nga assessment sa nasambit nga kalamidad.
