KORONADAL CITY- Padayon ang assessment sa karon sang talatapan sang lake warden sang Lake Sebu South Cotabato, makaligad nga nangin apektado naman ang pipila ka mga fish cage operators sang ‘kamahong o fish kill.
Ini ang ginpahayag ni Mr. Jose Rudy Muyco- lake warden sa lake sebu sa interbyu sang Bombo Radyo Koronadal.
Suno sa iya yara sa 3 tons nga kung sa diin amo pa ini ang ginapatihan nga indi insured.
Ginpahayag sini nga ang mga Lakip sa mga apektado sang kamahong ang Barangay Poblacion, Takunel kag Bacdulong.
Pila sa mga operators ang gilayon nga naghimo na sang emergency harvest agud nga masalbar lamang ang nabilin pa nga tilapia nga pwede pa nga mabaligya.
Gindugang pa ni Muyco nga ang nagluntad nga kamahong ang bangud sa pabag o bag o nga dalagan sang panahon kag pagnubo sang dissolve oxygen sa pond.
Nahibaluan nga sa karon giandiskusyunan pa kung may yara sang mabaton nga insintives ang mga apektado nga fish cage operators.
