KORONADAL CITY- Naga amat amat na sa karon ang preparasyon para sa pag umpisa sang operasyon sang Coal Mining sa Brgy. Ned, Lake Sebu, South Cotabato.
Ini ang ginpahayag ni Lake Sebu Mayor Floro Gandam, sa interbyu sang Bombo Radyo Koronadal.
Suno sa alkalde, wala pa man sa karon nga naga umpisa ang nasambit nga operasyon, apang gina amat amat na nga gina relocate sa karon ang mga residente nga kung sa diin lapit sa area kung diin ipataigayon ang amo nga mina.
Amo nga nagapanawagan ang alkalde sang Lake Sebu kag ang kapitan sang Brgy. Ned padasigon sang San Miguel Corporation nga hatagan sang nagakaigo nga mga gamit ang mga pumuluyo nga nalakip sa relocation.
Ginpahayag sang alkalde nga siya man ang nagkabalaka sa sini nga aksyon apang wala naman siya sang may mahimo bangud naaprubahan na ini kag ang ini nga mina.
Ginpanginwala naman sang alkalde nga wala nakabaton ang mga pumuluyo, bangud may nadawat na suno pa nga mga bulig ini gikan sa nasambit nga Korporasyon.
Sa karon, suno sa alkalde, apisar nga indi man ini nga manami ang mangin resulta, bangud ang pagmina ang ang isa man sa rason kung ngaa nagakaguba ang aton kinaiyahan, nagapangabay na lamang ini nga mangin luwas ang ila nga banwa pag abot naman sa ano man nga kalamidad nga magaruluntad.
