KORONADAL CITY- Ginreklamo sang pipila ka mga pumuluyo sa waragwagan sang Bombo Radyo ang ila nga problema may kaangtanan sa mga langaw nga tuman kadamo sa ila naman nga lugar.
Sa interbyu sang Bombo Radyo Koronadal kay Jinky Belarmino, reklamante kag residente sang Brgy. Glamang, Polomolok, ginpahayag sini nga madugay na nila nga gina reklamo sa karon ang mga langaw nga tuman kadamo sa ila nga lugar partikularmente sa Purok 1, Brgy. Glamang.
Suno kay Manang Jinky, isa sa ginatan aw nila nga rason kung ngaa kadamo sang mga langaw sa ila nga lugar, ilabi na sa ila nga balay, nga kulukasubong indi na sila maka concentrate sa pag kaon kag sa mga ulubrahon, amo ang isa ka poultry nga lapit sa ila nga Purok.
Nahibaluan nga isa na ka bulan nila ini gina problema kag wala pa man sila naka testing nga ipadangop ini sa ila naman nga BLGU.
Sa karon, nagapanawagan ini nga kung mahimo, maaksyunan na ini sang ila nga barangay bangud dako nga risgo nga makaapekto man ini sa ila nga ikaayong lawas.
