KORONADAL CITY – Naga pati ang isa ka anay tiglikom sang Department of interior and Local Government (DILG)nga posible ang pag angkon sang P20 nga presyo sang kada kilo sang bugas sa pungsod Pilipinas nga isa man sa mga plano sang madason nga administrasyon apang mangin dako nga pagpanghangkat ini sa Marcos administration.
Sa interview sang Bombo Koronadal kay Former DILG Secretary Mike Sueno, ginpahayag sini nga isa ka manami nga ideya ang pag pokus sang madason nga administrasyon sa agrikultura kag ang pagpangabuhi sang mga mangunguma sa diin lakip man sa mga problema amu ang manubo nga presyo sang palay kag mataas nman nga presyo sang bugas.
Dugang pa sini, mahimo nga maabot sang administrasyon ni BBM ang pagpanubo sang presyo sang bugas, apang naga kaangay suno pa nga e-libre anay sang gobyerno ang tanan nga mga inputs sang mga mangunguma para ma hagan-hagan ang gasto kag indi malugi ang mga mangunguma.
Maayo man suno pa ang ang konsepto sang “mega farm” sang incoming administration apang mangin dako sa gihapon nga kabangdanan sang pagsaka sang presyo bugas amu ang mataas nga balor sang mga abono, binhi kag chemical nga gina usar sang mga mangunguma ukon ang inputs sa pagpanguma.
Kabangdanan nga dapat suno pa magahatag sang libre nga inputs sang gobyerno para mangin posible ang P20 kada kilo nga balor sang bugas.
