KORONADAL CITY- May lead na ang Philipine Army sa kung ano nga grupo ang may kahimuan sang pagpasigabong sang IED sa siyudad sang Koronadal kag Tacurong
Ini ang ginkumpirmar ni Col. Oriel Pangcog, commander sang 601st Brigade Philippine Army sa interview sang Bombo Radyo Koronadal
Suno kay Col. Pancog, antes pa man ang explosion sa Koronadal kag Tacurong may 13 ka mga IEDs sila nga narekober nga plano pasigabungon sa nagkalain-lain nga lugar sa Mindanao.
Ini nga mga bomba ang ginapanag-iyahan sang Dawlah Islamiya..
Dugang pa ni Col. Pangcog, ang natabo nga ini ang bangud sa padayon nga military operation sa Datu Odin Sinsuat Maguindanao kun diin may duha n aka BIFF nga napatay kag 5 ka mga pilason.
Ini nga mga grupo ang padayon nga nagatuga sang kalakasan sa Mindanao bangud sa ini ang ginakabig nga mga local ISIS groups.
