KORONADAL CITY- 2 ka banwa sa subong ang ginatutukan sang kapulisan sa Probinsya sang South Cotabato agud nga mapabilin nga luwas ang pagpatigayon sang piniliay sa umalabot nga Lunes nga adlaw bangud sa history sang mga banwa ini sa naglabay nga eleksiyon.
Sa interview sang Bombo Radyo kay PCol. Nathaniel Villegas, South Cotabato Police Provincial Director , gin pahayag sini nga ang 2 ka mga lugar nga ila gina tutukan sa subong sa probinsya amu ang mga banwa sang Banga kag Polomolok sa diin 4 ka barangay diri ang ara sa idalom sang monitoring sang otoridad.
Suno sa Director, gina konsidera nila sa subong ang banwa sang Banga nga yara sa Red Category bangud sa history of election violence diri, apang suno sa iya madugay na suno pa ato nga panahon apang wala sila naga kumpiyansa sa subong nga piniliay.
Suno pa sa iya, lakip pa diri ang 4 ka mga barangay sa Polomolok nga naga konekta padulong sa Tboli South Cotabato nga ara sa subong sa orange category nga mahimo mag dala sa indi maayo nga mga scenarios sa piniliay.
Gindugang pa sini, sa mga nasambit nga lugar paga dugangan nila ang pwera sang otoridad agud nga mangin malinong ang pagpili sang mga botante.
Gin pahayag man sini nga wala sila naga pabaya sa pag bantay sa ila nga mga areas of responsibility agud nga mahatag ang seguridad sa tanan.
