KORONADAL CITY- Nagpabutyag sang iya nga obserbasyon angot sa Political Dynasty sa Pilipinas ang isa kag abogado makaligad nga nangin talulupangdon ang ini sang issue sa nagluntad nga Presidential debate kagb-i.
Sa interview sang Bombo Radyo Koronadal kay Atty. Gerard Mosquera-NDMU College of Law Dean , kulukasubong nga daw wala gid sang biskan isa sa mga opisyal sang gobyerno sang Pilipinas ang naga intra para nga e-imposar ang napagkit sa konstitusyon angot sa mga magpalamilya nga naga dalagan kag sundanay nga pagpapili sa kada election sa Pilipinas.
Suno sa iya, dapat nga ipatuman sang gobyerno sang Pilipinas ang balaod angot sa political Dynasty bangud napagkit naman suno pa ini sa 1987 constitution nga manug 4 ka dekada na nga naga eksister apang daw wala man lang ini gina hulag sang mga opsiyal sang Gobyero.
Dugang pa sini, apesar nga rampant na ang dynastiya sa Pilipinas mahagan-hagan naman ini bangud sa konsepto sang “term limits” sa diin 6 ka tuig ang limit sang term para presidente kag maximum of 3 terms ang para sa mga ibang nga ehekutibo.
Pinaagi sa Term limit kag election sa kada 3 ka tuig , mahatagan sang tsansa ang iban man nga mga persona kag indi dapat nga ihatag lang permi sa isa ka pamilya sang mga politiko ang posisyon sa gobyerno kag para ma”democratify” ang systema sang panggenobyerno sa Pilipinas.
