KORONADAL CITY-Maga-abot sa sa 15 ka mga wanted individuals sa Sultan Kudarat ang naarrestar sang mga otoridad sa asud-asud nga Anti-criminality law enforement operation nga ginkasa sang mga otoridad. Suno sa Sultan Kudarat Police Provincial Office 7 sa mga nadakpan ang ginakabig nga Most Wanted person samtang 8 naman ang regular wanted person.
Sa 7 ka mga most wanted person, 1 ang nadakpan sang Palimbang Municipal Police Station sa kaso nga Murder kag Attempted Murder, isa sa Esperanza Municipal Police Station sa kaso nga Rape, 2 sa Lambayong Municipal Police Station sa kaso nga Murder and Frustrated Murder, kag pag bayolar sa RA 10883/New Anti-Carnapping Act of 2016, isa sa President Quirino Municipal Police Station sa kaso nga paglapas sa Comprehensive Law On Firearms And Ammunition, kag isa sa Lebak Municipal Police sa kaso nga RA 9165/ Comprehensive Dangerous Drugs Act of 2002.
Lakip man ang isa ka lider naman nga ginkilala nga Commander sang isa ka private Armed Group nga si Commander Bauti Amelin Lagyalan nga nadakpan sang Isulan Municipal Police Station kag ginkabig nga yara sa watchlist sa Regional Level sa kaso nga Murder. Ginpasiguro naman sang PNP-Sultan Kudarat nga pagapasangkaron pa ang ila nga kampanya bato sa mga lawless elements sa ila nga Area Of Responsibility para mapabilin ang kaayuhan kag kalinong sa ila nga lugar.
