KORONADAL CITY – Nagapakita sang sincerity kag pinasahi ukon unique nga sahi sang lider sang pungsod si Pangulong Rodrigo Duterte.
Ini ang nangin pahayag sang 2nd District representative kag Deputy speaker for Mindanao Congressman Ferdinand “Dinand” Hernandez sa interview sang Bombo Radyo Koronadal.
Suno sa opisyal, makita niya nga tuman ka sinsiro ang pagpangalagad ni Duterte sa Pilipinas kag isa sa mga makapamatood diri ang mga natapos kag na implementar sang presidente para sa segundo distrito sang South Cotabato.
Gin tagaan man punto sang opisyal ang pagpirma sang “significant bills” para sa bilog nga pungsod Pilipinas kag pila sa mga ini ang para sa edukasyon pinaagi sa Tertiary School-Grants, Universal Healthcare System para sa ikaayong lawas sang tanan, Bayanihan para sa pag sabat sa Covid-19 sa pungsod , Malasakit center para sa mga naga balatian kag ang National ID System kag pila man ka mga proyekto sa South Cotabato kag national Highway nga sakop sini ang pila lang sa mga ginduso ni Pangulong Duterte nga nakabenebisyo ang South Cotabato kag bilog nga pungsod.
Sa sini nga mga prokyekto kag program makita kun anu nga sahi sa lider si pangulong Duterte nga nangin balasihan man ni Congressman Ferdinand “Dinand” Hernandez.
