KORONADAL CITY – Patay na sang masapwan sang iya nga pamilya pasado alas-11 kgina sang aga ang isa ka 24-anyos nga lalake sa payag-payag nga gina dayunan sini sa Barangay Saravia, Koronadal City maaligad nag hikog.
Ginkilala ni Barangay Kapitan Gregorio Presga ang biktima nga si alyas Dionesto Joe nga residente sang Sitio Almotag, Barangay Saravia Koronadal City.
Sa interview sang Bombo Radyo Korondal kay Nanay gloria , iloy sang biktima, emosyonal nga ginpakigbahin sini ang sitwasyon sang bata sang masapwan ini nga naga palangitom na samtang nakabitay ang liog sini sa balayan sang payag-payag.
Suno ka nanay Gloria, nag usar sang electric wire ang iya nga bata sa paghikog sini.
Antes pa nagluntad ang insidente , nagpahayag ang biktima sa iya nga iloy nga maghikog ini bangud wala pa ini suno pa nakabayad sang iya nga gin utang nga motorsiklo.
Sa subong indi gid bal-an ni nanay Gloria kun anu ang himoon bangud pigado lang man sila kag indi niya kun diin makakuha sang inugasto sa haya kag pagpalubong sang biktima.
Nabilin naman sang biktima ang iya nga menor de edad nga bata kag bulag ini sa iya nga asawa.
Nag promisa naman sang bulig pinansyal ang Barangay para sa pamilya nga nadulaan.
