KORONADAL CITY – Mabudlay sa karon ang alagyan sang mga residente sa lima ka barangay bangud sa landslide kag pagkaguba sang taytay tuga sang wala untat nga pagbubo sang mabaskog nga ulan sa banwa sang Lake Sebu, South Cotabato.
Ito ang ginkumpirmar ni Lake Sebu Mayor Floro Gandam sa interbyu sang Bombo Radyo Koronadal.
Suno kay Mayor Gandam, gilayon naman nga nagresponder ang mga empleyado sang MDRRMO sa Brgy. lower kag upper Maculan lakip na sa Brgy. Halilan matapos nga naguba ang taytay nga nagasugpon sa mga barangay sa nasambit nga banwa.
Magluwas diri, napagkit naman ang landslide sa Sitio Dan-Lag, Barangay Lamlahak subong man sa Sitio lahit kun diin indi passable ukon indi maagyan sa karon sang mga motorista bangud sa natiphag nga duta.
Sa subong, nagapadayon ang damage assessment agud mahatagan sang bulig kag iban pa nga panginahanglanon ang mga residente sa nasambit nga lugar.
