KORONADAL CITY -Natalana nga ipaidalom sa state of calamity ang banwa sang Tulunan sa probinsiya sang North Cotabato makaligad makapagkit sang dako nga damyos bangud sa wala untat nga pagbubo sang ulan nga may dala nga mabaskog nga hangin.
Ini ang ginkumpirmar ni Engr. Arnulfo Villaruz ,Chief of Operations sang PDRRMO North Cotabato sa eksklusibo nga interbyu sang Bombo Radyo Koronadal.
Suno kay Villaruz, lubos nga naapektuhan sang kalamidad ang agricultural sector kun diin ekta-ektarya sang humay kag mga produkto sang mga mangunguma ang naguba sandig sa ginpatigayon nga damage assesssment gikan sa masobra 20 ka barangay.
DUgang pa sini nga magluwas sa Tulunan, apektado man ang banwa sang Magpet kag mangin ang siyudad sang Kidapawan.
Sa subong, nagapanawagan ang ila nga departamento sang bulig kag pre-assessment sa damyos gikan sa iban pa nga LGU agud mabuligan ang mga apektado sang kalamidad.
