KORONADAL CITY- Nangin makahalawat-hawat para sa mga Filipino community sa pungsod Egypt ang deklarasyon kag tigayon nga kadalag-an sang Pilipina nga si Roberta Ann “Ro-An” Tamondong makaligad sini nga maangkon ang korona bilang Miss Eco Teen International 2020.
Sa interbyu sang Bombo Radyo Koronadal kay Bombo International Correspondent Noreiza Pia, nga tumandok sang Banga,South Cotabato, nagpangibabaw si Tamondong sa paindis-indis bangud sa iya katahom, ikasarang, kag pagkamaalam.
Gani indi maaligar ang pagpabugal kag kalipay nga ila nabatyagan makaligad gindeklarar nga kampeon ang kandidata sang Pilipinas.
Personal man suno pa ini nga nagtambong kaupod ang pila ka abyan nga mga Pinoy sa Beach Resort sa Huwrghada, Egypt kun sa diin ginpatigayon ang pageant.
Dugang pa sini, wala sila ginpaslawan sang kandidata bangud sa umpisa pa lamang, madamo na nga mga rasa ang nagasuporta kay Tamondong bangud sa ikasarang sini.
Sa subong, ginapangamuyo nila nga mas madamo pa nga adbokasiya ang maproponer sang kandidata sa gobyerno agud mabuligan nga mag-uswag pa ang pungsod.
