KORONADAL CITY – Nagapadayon ang damage assessment sang Banga Municipal Disaster Risk Reduction and Management Office sa tatlo ka barangay nga tuman ka nangin apektado sa pagbaha sa nasambit nga banwa.
Sa interbyu sang Bombo Radyo Koronadal kay Banga Mayor Albert Palencia, yara sa masobra 100 ka pamilya kag kapin 50 ka mga panimalay sa Brgy. Liwanay, Rizal Poblacion, Reyes kag Lamba nga napektado sang nasambit nga kalamidad.
Tigayon nga tuman ka mga naapektuhan ang mga lunsay mga sitio sang mga nasambit nga mga barangay.
Nahibaluan man nga ining mga lugar ang may makitid nga mga alagyan sang tubig rason nga bangud sa makusog nga pag-ulan tigayon nga nagsaka ang lebel sang tubig ulan.
Nagapadayon pa ang pagtumod sang Banga LGU kag sang MDRRMO ang mga tuman nga naapektuhan sang nasambit nga pagbaha agud sa gilayon mahatagan sa gilayon sang ayuda.
