KORONADAL CITY – Naglab-ot sa 97 ka mga pamilya ang inisyal nga nangin apektado sang pagbaha sa tatlo ka Purok sang Brgy. San Isidro sa Syudad sang Koronadal.
Ini ang nangin pahayag ni Brgy. San Isidro Kapitan Lloyd Gabutin sa eksklusibo nga interbyu sang Bombo Radyo Koronadal.
Suno kay Kapitan Gabutin nga ang mga una nga naassess sang ila barangay kaupod ang CDRRM sang syudad ang Prk. pagkakaisa lot B may- 18, Prk. Pagkakaisa lot C may- 35 kag sa Prk. Pagkakaisa lot D may- 43 ka mga households ang nagin apektado.
Nagapadayon pa ang ila man nga pagassess sang pila pa ka mga lugar nga nangin apektado sa ila nga nasakupan.
Dugang pa ni kapitan Gabutin nga sa gilayon sa bulig man sang City Government sang Koronadal, tigayon nga nakabaton sang mga food packs ang mga pamilya kag natalana man nga pagahatag sang iban pa nga panginahanglan bangud tigayon nga naanod sang baha ang pila ka mga pagkabutang sang tagsa ka pamilya.
