KORONADAL CITY – Ginkilala kag ginpasidunggan sang local government unit (LGU) Banga ang nangin papel sang Bombo Radyo Koronadal sa nagluntad nga masaker sa Pamilya Magno sa Barangay Rizal-3 nga ginkapatay sang tatlo ka maghimata kag ginkapilas sang apat nga iban pa.
Suno kay Mayor Albert Palencia, dako ang nangin kontribusyon sang Bombo Radyo sa pagpatigayon sang coverage gani gilayon nga nadakpan ang suspek nga si Gido Blatang alyas Paul Bautista.
Nagpasalamat man ang alkalde nga nangin madasig ang pagkadakop sa suspek bangud gilayon nga nahatagan sang hustisya ang pagkapatay sang mga biktima nga ginkilala kanday Monlene Bautista, asawa sang suspek, manak sini nga 11 anyos kag ugangan sini.
Samtang ginkilala man sang LGU-Banga ang nangin kontribusyon sa madinalag-on nga operasyon sang mga Barangay Officials, katapo sang PNP, CAFGU nga nakakita sa suspek kag mga BPAT’s.
