KORONADAL CITY – Magapadayon sa gihapon ang operasyon sang mga kasuldadohan kag kapulisan batok sa komunista nga grupo nga NPA sa tunga sang ginapatuman nga general community quarantine.
Ini makaligad napatay sa nagluntad nga engkwentro ang duha ka katapo sang NPA sa bahin sang Sitio Tambila, Barangay Lamfugon, Lake Sebu, South Cotabato.
Suno kay Lake Sebu Mayor Floro Gandam, nakilal-an ang isa sa mga napatay nga si alyas Wasak, yara sa legal nga pangidaron, kag residente ng Lamfinik, Barangay Lamfugon, Lake Sebu, South Cotabato.
Samtang padayon pa nga ginatumod ang identity sang kaupod sini.
Ginapatihan nga mga tinawo suno pa ni Kumander Patrick Co sang Platoon Primera, Guerilla Front Musa sang Far South Mindanao Region sang New People’s Army (NPA) ang napatay nga mga persona.
Wala naman sang may napilasan sa mga otoridad sang nagluntad ang nasambit nga engkwentro.
Narekober sa ginluntaran sang engkwentro ang 5.56mm colt AR rifle kag 5.56mm elisco rifle nga may mga bala kag magazine duha ka bandolier.
Bangud sa natabo, mas ginpahugtan ni Mayor Gandam ang seguridad sa iya nasakupan kasunod sang natabo.
Samtang arestado ang duha ka amazona makaligad nasakop sang mga otoridad ang isa ka kampo sang New People’s Army sa bahin sang Sitio Lambia, Barangay Lamfugon, Lake Sebu, South Cotabato.
Ini makaligad ang ginpatigayon nga operasyon sa ginapatihan nga kampo ni Kumander Patrick Co ng Platoon Primera, Guerilla Front Musa sang Far South Mindanao Region sang New People’s Army (NPA).
Tigayon nga nadakpan ang mga amazona nga ginkilala kanday Mylene Dalaguman Pasandalan alyas Sasay, 32 anyos, Platoon Medic lakip ang asawa ni Nato Mindal alyas Kumander Patrick, kag Marina Limboy Andal, asawa ni Naldo Pungol.
Kalakip man sa mga nakostudiya sang mga otoridad ang tatlo ka mga kabataan nga gilayon nga gindala sa Lake Sebu municipal police station.
Narekober sa nasambit nga kampo ang kalibre 45 nga pistola, modified jolen gun, mga bala kag magazine, mini solar panels kag binangon.
Sa subong nagapadayon ang hot pursuit operation batok sa nakapalagyo nga si Kumander Patrick.
Ginpasiguro man ni Mayor Gandam nga nakahanda sila nga magbulig para sa sin-oman nga luyag magsungka kag gilayon nila ini nga pagabuligan.
