Pinay sa Kuwait, naghikog matapos nga magpositibo sa COVID 19

KORONADAL CITY – Ginkasubo sang kadam-an nga mga OFW sa Kuwait ang balita nga may isa ka 45 anyos nga Pinay Worker ang naghikog matapos magpositibo sa coronavirus disease 2019.

Ini ang ginpahayag ni Bombo international correspondent Mae Ortiz sa pungsod Kuwait nga taga-Sarangani Province sa interbyu sang Bombo Radyo Koronadal.

Suno sa iya, indi na masarangan pa sang Pinay ang depresyon bangud indi sini mabaton nga infected sa nasambit nga sakit rason nga gintapos na ang iya kabuhi.

Nakita na lamang suno pa ang nasambit nga Pinay Worker sa isa ka comfort room sang isa ka balay-bululngan.

Sa pihak sang natabo, padayon nga nagabuligay ang mga OFWs sa pagbulig sa mga kasimanwa nga yara man sa nasambit nga pungsod.