KORONADAL CITY– Yara na sa kustodiya sang mga otoridad ang isa ka wanted person nga may kaso nga kidnap for ransom matapos nga maaresto sa Tupi, South Cotabato.
Sa interbyu sang Bombo Radyo Koronadal kay Police Major Andres Sumugat, hepe sang Tupi PNP, ginkilala ang suspek nga si Walter Ozaeta De Castro, 35 anyos, may asawa kag residente sang Brgy, Taysan San Jose, Batangas.
Suno kay Sumugat, naaresto ang suspek sa JC convention center sa Brgy. Poblacion, sa nasambit nga banwa nga ginapanag-iyahan ni South Cotabato Governor Reynaldo Tamayo Jr.
Diri kag nahibaluan nga nagausar sang peke nga pangalan ang suspek bilang isa ka Mike Macalindong.
Magluwas sini, nabuyagyag man nga ang suspek ang nagatindog nga STL Coordinator sa liwat nga pag-operate sini sa pila ka lugar sa SoCot kag Sultan Kuradat.
Sa subong, nagapangatubang na sang patong-patong nga kaso ang suspek.
