KORONADAL CITY- Magapatigayon sang 24/7 monitoring ang Highway Patrol Group ukon HPG South Cotabato sa mga dalanon sa probinsya.
Ini ang ginkumpirmar ni Pol Major Von Alejandrino, hepe sang HPG SoCot sa esklusibo nga interbyu sang Bombo Radyo Koronadal.
Suno kay Alejandrino, magapatigayon sila sang round the clock monitoring sa dalanon sa probinsya agud nga masekyar man ang seguridad sang mga motorsita mangin man ang riding public.
Ginpahayag man sini nga nga preparado sila ilabi na kun may magluntad nga disgrasya sa dalanon kasubong sang medical kag rescue equipments.
Ini ang agud nga mabuligan man ang publiko mangin man ang mga drivers ilabi na kun maka-angkon sang problema ang ila nga salakyan sa kagab-ihon ukon kaagahon.
Nagalaum man ini nga maintindihan sang publiko ang nasambit nga tikang sang HPG bangud para man ini sa ikaayo sang mga pumuluyo nga naga-usar sang dalanon ilabi na sa pagpatuman sang Traffic Rules and Regulations.
