KORONADAL CITY- Nadugangan pa ang mga nagareklamo nga miyembro sang Dianamite investment scam sa syudad sang Koronadal makaligad nga mapaslawan nga maka payout halin sa ginasiling nga founder sini nga si Diana Roldan isa ka anay Overseas Filipino Worker.
Sa interbyu sang Bombo Radyo Koronadal sa pila ka mga investors sang Dianamite, halin sa masobra 40 ang nagpalab-ot sang ila reklamo.
Nagpanawagan ang mga ini kay Roldan nga ibalik nalang ang ila kwarta apisar wala na ang interes bangud nahibaluan nga kadamuan sa mga kwarta nga gin invest ang halin sa utang kag mga ginpangabudlayan nga kwarta halin sa mga himata nga nagatrabaho sa abroad.
Dugang pa sini nga natukiban man sang Bombo nga pila sa mga nag invest sa Dianamite ang mga biktima man sang
Kabus Padatuon investment scam nga luyag makabawi makaligad nga wala na nakabalik ang kwarta nila halin sa KAPA makaligad ipasara samtang nagapanago ang founder nga si Joel Apolinario.
Sa karon nahadlok naman ang pila ka investors sa ila kabuhi bangud akig na ang pila man sa ila ginpang recruit kag may pamahog naman sa kabuhi.
