KORONADAL CITY– Nagtuga sang kabalaka sa karon sa mga bago nag-invest sa Kabus Padatuon ukon KAPA investment scam ang nagalapta sa internet nga expose sang isa ka kontrobersyal nga blogger nga si Xian Gaza ang alleged exit plan suno pa ni KAPA founder Joel Apolinario kag sang iya nga grupo.
Suno sa nasambit nga expose, ginpahayag ni Gaza nga sa Hunyo 17 suno pa ang plano nga pagkakas sa pungsod ni Apolinario usar ang backdoor sa Zamboanga sakay sa isa ka vessel padulong sa Malaysia kag Brunei dala ang mga kwarta sang mga investors.
Apang madamo man ang nagkwestyon sa kredibilidad suno pa ni Gaza.
Bangud diri, nagatutok ang mga investors sa mga update sa nasambit nga isyu apang ginpanginwala kag ginapanindugan sa gihapon sang KAPA founder nga ang ila nga ginhimo ang base sa Diyos kag may tinutuyo nga matimbong halin sa kapigaduhon ang mga pigado nga gintawag pa sini nga sakop ni Satanas.
Samtang ginpahayag ni Police Col Joel Limson nga nakamonitor sila karon ka naga standby sa anuma nga direktiba sa pagpatigayon sang operasyon ukon closure sa KAPA.
