9 patay sa pag-ginutok sa isa ka gospel concert sa Congo

Napatay ang siyam ka tawo kag madamo ang napilasan sa natabo nga pagdinas-ukanay sa isa ka konsiyerto sa Democratic Republic of Congo.

Nangin insidente ini sa konsiyerto sang gospel singer kag pastor nga si Mike Kalambay sa sulod sang 80,000-seater nga Martyr Stadium sa Kinshasa.

Ginasiling nga sobra ka gutok ang mga tawo nga may iban nga wala na nakaginhawa.

Kalakip sa mga napatay ang 10-anyos nga bata.

Ginsiling ni Kinshasa governor Daniel Bumba nga ang sobra nga pag-ginutok ang rason sa pagkapatay sang mga biktima.

Ginpanindugan naman sang mga organizers ang akusasyon kag nagsiling nga mga 30,000 lang ang mga tawo nga nagtan-aw.

Nagasugod na ang mga awtoridad sang imbestigasyon sa natabo nga insidente