Nag-file sang resolusyon si Senador Bam Aquino nga nagaduso sang pagkilala sa BINI sa paghimo sang maragtas, bilang pinakauna nga Filipino kag P-pop girl group nga nag-perform sa Coachella Valley Music and Arts Festival sa California.
Suno kay Aquino, sa idalum sang Senate Resolution No. 370, ang pagsumiter sang BINI sa Coachella 2026 nagapakita sang potensyal sang Philippine creative economy, kag kon paano ang talento sang Pilipino maka-generate sang pangkalibutanon nga demand, makatuga sang mga oportunidad sa ekonomiya kag makapabaskog sang presensya sang pungsod sa pangkalibutanon nga kultural kag creative landscape.
Suno sa senador, nagserbe nga inspirasyon sa mga pamatan-on ang ginhimo sang grupo.
Ginalauman nga mangin madinalag-on ang pasundayag sang BINI sa kilala nga festival sa padayon nga pagkapopular sang P-pop kag magabukas sang oportunidad para sa madamo pa nga mga artista nga Pilipino nga mapakita ang ila talento kag makaangkon sang mas daku nga visibility sa pangkalibutanon nga industriya sang musika.
Ang BINI nag-perform sa una nga tion sa Coachella 2026 sang Abril 11, oras sa Pilipinas.
Magapasundayag man sila sa ikaduha nga weekend sang Coachella sa Abril 18, oras sa Pilipinas.
Ang Coachella isa sa pinakaprestihiyoso kag pinakamataas nga kita nga mga festival sang musika sa bug-os nga kalibutan.
