Ginpakigbahin sang beauty queen nga si Celeste Cortesi ang isa ka artistic silhouette nga klaro nga makita ang iya baby bump pinaagi sa iya social media post kaupud ang mga ultrasound photos sang iya ginahulat nga bata.
Bangud siini, madamo sa iya mga fans kag kasubong nga mga celebrities ang nagpalab-ot sang kasadya kag suporta sa beauty queen.
Lakip sa mga nagpaabot sang pagdayaw amo sanday Kylie Verzosa, Chie Filomeno, Chelsea Manalo, Anchilee Scott Kemmis, Beatrice Gomez, Lou Yanong, Vicki Belo, kag Raymond Gutierrez.
Ginkumpirma man ni Celeste nga ang amay sang iya ginadala amo ang iya partner nga si Jonathan Sterling.
Madumduman nga una siya nakilala matapos mangin Miss Philippines Earth 2018 kun sa diin nagrepresentar siya sa Pilipinas kag nakaabot sa Top 8 sa international pageant.
Sang 2022, nagbalik siya sa pageant scene kag akuha ang korona bilang Miss Universe Philippines 2022.
