Naghatag na suno pa sang donasyon nga kwarta sa isa ka syudad sa Pilipinas kag mga salakayan sang 2 ka police forces ang 4 ka Chinese nationals, nga gin-aresto sa Pilipinas bangod sa pagi-ispiya sang Enero, ang mga ini ang konektado man suno pa sa Chinese Communist Party (CPP)-affiliated groups, base sa report halin sa international news agency (Reuters).
Suno sa National Bureau of Investigation (NBI) nga ang 4 nga nadakpan nga Chinese nga sina Wang Yongyi, Wu Junren, Cai Shaohuang, kag Chen Haitao ang ginkasuhan sang espionage matapos nga magpalupad ang mga ini sang drones agud makakolekta sang mga laragway sang Philippine naval forces malapit sa disputed waters.
Nakuha man halin sa ila nga mga cellphone ang mga laragway kag mga mapa sang mga sensitibo nga sites.
Base sa report, ang mga akusado ang lider suno pa sang civic groups nga ginapadalagan sang foreign influence network sang Chinese Communist Party.
Ang nasambit nga mga grupo ang naghatag suno pa sang mga donsayon sa syudad sang Tarlac kag sa police forces sang nasambit nga lugar kag motorbikes sa Manila police pamaagi sang Chinese-backed groups sang 2022, apang indi klaro ang motibo sa paghatag sang nasambit nga mga donasyon.
Suno sini ang Tarlac ang nagapanguna nga base militar kabilang ang isa nga ginagamit sang Pilipinas kag US para sa live-fire exercises sa tuigan nga military drills, apang ang mga laragway sang base militar sa nasambit nga lugar ang indi kabilang sa sites nga nadiskubre sang NBI halin sa devices sang mga nadakpan nga Chinese.
Samtang, base man sa report, nakigkita suno pa ang nasambit nga Chinese spies kay Chinese military attaché in Manila Senior Col. Li Jianzhong, sang isa ka beses pila ka semana antes sila madakpan.
Nakig-kita man ang 3 diri nga sila Wang, Wu kag Ci sa Chinese attache sang 3 beses sang 2024 kabilang sang Mayo sang ginbuksan sini ang talatapan sang civic groups sa Manila.
Ang mga detalye nga ini ang indi pa mareport halin sa mga pahayag sang mga imbestigador sa Pilipinas, apang una nga nga ginlaragway sang NBI nga ang nadakpan nga Chinese ang nagapawala suno bilang harmless members sang lehitimo nga organisayon samtang nagatigayon sang surveillance.
