Ginpahayag sang Sandiganbayan nga submitted for resolution na ang ginpangayo sang Office of the Ombudsman para sa precautionary hold departure order batok kay Senador Rodante Marcoleta, anay Quezon City Representative Michael Defensor, kag duha ka negosyante may kaangtanan sa ginapaathag nga wala pagdeklara sang P75 milyon nga campaign donations.
Suno sa Ombudsman, posible nga magguwa sa pungsod si Marcoleta bangud sang iya impluwensya kag kapasidad sa pinansyal.
Ginpanindugan man sang ahensya nga ang wala suno pa paglakip sang P75 milyon sa iya Statement of Assets, Liabilities and Net Worth ukon SALN nagapakita sang “tendency to conceal illegality” ukon posibilidad sang pagtago sang iligal nga aktibidad.
Dugang pa sang mga imbestigador, separado ang ila imbestigasyon sa nauna nga desisyon sang Commission on Elections ukon Comelec, nga naglimpyo kay Marcoleta sa election offenses apang nagrekomendar sang reklamo batok sa ginapatihan nga mga donors.
Sa karon, yara na sa idalom sang preliminary investigation ang kaso kag ginhatagan ang mga respondents sang 15 ka adlaw agud magsumiter sang ila counter-affidavits.
