32.6% sang Pilipino, nagapabilin nga food insecure sa gihapon – Datos

Nagpakita ang datos nga 32.6% sang populasyon ang ginakabig nga food insecure, nga dyutay lang nga mas manubo kumpara sa 33% nga narekord sang 2023.

Sa amo nga pagtuon, 2.9% sang mga Pilipino ang nagaagum sang grabe nga kakulang sa pagkaon ukon wala gid nakaon sulod sang isa ka adlaw ukon mas malawig pa.

Suno kay Department of Science and Technology Secretary Renato Solidum Jr., kinahanglan nga mapakusog ang mga oportunidad sa pangabuhi sang mga pumuluyo agud matapna ang food insecurity kag kapigaduhon sa pungsod.

Nagahimo man sang mga tikang ang Presidential Anti-Poverty Office kag iban pa nga mga ahensya sang gobyerno agud masolbar ang ini nga problema kag matubag ang panginahanglan sang mga apektado sa pinakamadali nga tion.