KORONADAL CITY – Naglab-ot sa tatlo ka mga kabataan nga nagaedad sang 20-anyos pasaka ang naarestar sang Philippine Drug Enforcement Agency ukon (PDEA) Region 12 anga involbado sa kaso may kaangtanan sa paggamit sang mga kabataan sang mga flavored vapes nga may Marijuana oil.
Ini ang ginkumpirmar ni PDEA 12 Information Officer Kath Abad matapos nga nagpatigayon ang PDEA South Cotabato Provincial Police Office kaupod ang Gensan City PNP sang Joint Operation sa siyudad sang Heneral Santos.
Sa nasambit nga operasyon, tigayon nga maarestar ang 3 ka mga kabataan nga yara sa 20-anyos, ang nagabaligya sang Vape nga may sagol sang hinambitan nga ilegal nga droga.
Kaangot sini, nagapanawagan si Abad sa mga mamalidha nga i-intensify pa ang pagpatuman sang kasamtangan nga layi ukon ordinansa may kaangtanan sa paggamit sang ilegal nga droga.
Nagpasalamat naman ang PDEA 12 ang nangin sabat sang mga Local Government Units sa maayo nga pagresponder sini sa ila nga panawagan nga paandaman ang mga kabataan nga likawan ang paggamit sang mga vapes ilabi na nga pwedi na ini masagulan sang ilegal nga Marijuana.
Nagapanawagan man ang opisyal sa mga ginikanan nga bantayan sang maayo kag laygayan ang mga kabataan.
