KORONADAL CITY – Ginkakas bilang mga jail guard sa South Cotabato Rehabilitation and Detention Center (SCRDC) ang tatlo ka gwardya matapos mainvolbar ang mga pangalan sini sa pagpalusot sang illegal nga mga kontrabando.
Suno kay Jail Warden Juan Lanzaderas, tatlo ka mga jail guard nga ginalakipan sang isa ka regular kag duha ka job order (JO) ang naulamid diri.
Suno sa opisyal, nakabaton siiya sang impormasyon nga ang mga ini ang involbado sa pagpalusot sang ilegal nga droga sa sulod sang pasilidad kun diin isa sa mga ini ang nagpositibo pa sa ginpatigayon nga random drug test.
Bangud sini, ginpasiguro ni Lansaderas n ga mas pahugtan pa ang pagpatuman sang seguridad labi na sa main gate agud nga mapunggan ang posible nga pagpalusot sang mga ilegal nga droga kag iban pa nga ginadumilian nga kontrabando.
Ang tatlo ka mga jail guard ang na-re-assign naman ukon ginsaylo sa Provincial Governor’s Office – Civil Security Unit (PGO-CSU).
Madumduman nga makapila ka beses na nga nainvolbar ang pangalan sang mga Jail guards sa pagpalusot sang illegal nga droga sa provincial jail.
