KORONADAL CITY – Tatlo na ang napatay samatang isa ang pilason halin sa myembro sang BIFF-Karialan Faction sa operasyon nga ginhiwat sang 33rd Infantry (Makabayan) Battalion sa Barangay Liab, Mamasapano, Maguindanao del Sur.
Suno pa sa nakuha nga impormasyon sang Bombo Radyo Koronadal, isa ka fire mission ang ginlunsar sang ila nga pwersa batok sa position sang grupo ni alyas Boy Jacket sang BIFF.
Ang mga napatay ang kaupdanan ni Boy Jacket ang ginkilala kay alyas Suharto nga taga Brgy. Dapyawan, Datu Saudi Ampatuan kag duha ka iban pa nga ginahibalo pa ang ila naman nga identity.
Narekober sang mga otoridad ang ang isa ka (1) 5.56mm M16A1 Rifle, duha ka (2) Homemade Revolvers sang Cal. 38mm kag Cal. 5.56mm, isa ka (1) Cal.45 Pistol, isa ka (1) cartridge sang 81mm HE, duha ka (2) 40mm grenade launcher ammunition, apat ka (4) Cartridge sang 40mm kag tatlo ka (3) Improvised explosive devices.
Samtang suno naman kay 601st Infantry Brigade Commander, Brig. Gen. Oriel Pangcog, padayon sila nga magabantay lakip ang 33IB sa lugar para sa kaluwasan sang tanan nga mga residente nga naga istar sa amo nga lugar// Sa bahin naman sang 6th Infantry (Kampilan) Division at Joint Task Force Central Commander, Maj. Gen. Alex Rillera nga sila ang padayon nga nagapanawagan sang kalinong pinaagi sa pag awhag nga magbalik na sa sabak sang gobyerno ang mga terorista nga grupo.
Sa karon, nahibaluan nga pulo (10) na ka mga BIFF ang nagsungka sa gobyerno samtang tatlo ang napataya sa operasyon.
Apat naman ang armas nga ginsurender sang BIFF kag may apat nga mga armas luthang kag isa ka bombo nga nabawi gikan sa operasyon.
